1. Miss X haisi chennai ga parlour ga changam kam jiu pakahmai Zeme pui kania niu soudiakbo adouye. Pakhuga rangkang senlan hamijiu mobile di recharge kamlu makbo jengniu contact aliu kamlu makge. LCTC khatdi LWS member khatniu recharge kamkhaijiu patu aliu npoudou kalan luye. Aliuniu nkhakhaibo ga paniu pachunwijiu kapmiye. Palamra pakykhun maitu di paniu contact kamlu makge.

2. Liangmai Nam khat gasu chamai 30 song kengjiu Coimbatore lam changam kambamme. Paliu hai magen kathiumai kamme. Mengtang jiu taten thiusu makhaga lockdown rai mibo jengniu tiura-sakra hamide. Kylong lam di alamra network daolumakge. Siniu LCTC khatdi Liangmai Welfare Society (LWS) niu local NGO tu contact thiulujiu adao khaiye.

3. Mr X haisi Gurgaon ga taten thiujiu paronna rent ga lungbamme. Lockdown niu pagu salary di doumakjiu bamniubo adouye. Pagu landlord niudi pakhuga rent haisi khengwang nge. Katiu-kasak di pakhuga hawang mide. Pahai papui-papiu kahabo nah khatle. Tiudi LCTC niu Delhi unit gu Covid -19 Liangmai Delhi/NCR joint Task Committee to alam lujiu patu immediate help pikhaibiye.

4. Miss X hai pasai kariupui panai Bangalore ga ariak katijiu bamme. Lockdown hainiu chakylam alam doulak mibo donniu magen thiu mide. Siniu katiu-kasak hamibo jengniu naikhat ga tiulon gui (one meal) ronna tiubo adouye. LCTC niu Bangalore unit nodal officer tu alam lujiu akhitaliu khaiye.

5. Mr X hai student mai khatle, chabin tadwangbo ga Guwahati ga lockdown thiumijiu tadlulak mide. Pakykhun maitu di alam lulak mijiu hotel ga bamjiu rangkang hamide. Siga paniu LCTC tu alam wangjiu patu pakak khatleng thiujiu rangkang poinakha pikhai mide.

Characham pakhiangna haisi haiga raokam lulakge. Thainai LCTC hai NGO makge, Govt agency di makge. Temporary committee thiujiu LNC, LNKR, LPNR niu machapad boye, tiudi tuhoi call center kumjiu taten thiujiu bamme. Nson wanchak 6am-gasu nchunding 12 pm tangbo phone haisi aliuniu alamjiu taten thiubamme. Liangmai nah thainai Bangalore, Chennai, Mumbai, Pune, Kolkata, Guwahati, Shillong, Delhi, Gurgaon, Kerela, Andhra Pradesh, Senapati, Imphal, Kanglatongbi kengjiu stuck thiubamme. Govt khatdi NGOs niu ronna taten si thiuwang tanglu makbo aliuniu adaoye. Tuhoi Manipur lungga di pakylong wangdou lulakbo jengniu katam tambo bam ga kengjiu stuck thiu karen bamme. Siniu mathiu khuga appeal thiukhai nibo sira maihina- village/church gu level gasu chawang charamai dung niu pagu pagu capacity gasu alam lujiu param param maitu coordinate thiukhaijiu monitor kamkhaisai wisune tiujiu maning nge. Wangtang lakbo sira LCTC khatdi LWS niu kangambo tang taten tiukhaine. Tiudi aliudi finance si limited thiubo jengniu kamwang tang lulakbo kengjiu bamme. Haibo lockdown haisi detheng tadkiuralo tiubo maikhatdi simakge. Mathiuniu support thiukhaijiu Tingwang jan ga taten thiura LCTC khatdi LWS niu machun bamme. Mathiutu thonne.

Mathiu ngamga
Disubou Wijunamai
Convenor
LCTC

The website is designed for local community, the internet-beginners who unable/ difficult to understand English and who doesn't know how to retrieve information from other website online. News updates are of present situation in the local region and round the globe for local information via online & offline. The outside news & updates are of WHO, mohfw and other publishing news/ media house available online. All information, guidelines, updates are of their respective owners/ posters/ organization which we assume accordance with Ministry of Health & Family Welfare, GOI, World Health Organization and Centers for Disease Control & Prevention (CDC). Source of information is given in the bottom of each page in italic SD/ concern authority. Send us update, feedback/ correction or write us at covid19@nambon.com

® Nambon.com 2020