Coronavirus hai tingkai gasu lenbo suiye

Kadipiri ga wakasibo scientist dungniu coronavirus hai detiujiu aliu chamainah khang khat khugasu khangkhat khuga lenjiu maraa bamloh tiujiu paliuniu tadkiu bamboo kasia update thiu khailan ne. Tiubora haibo coronavirus hai tingkai gasuniu di len kasuibo bamme tiujiu World Health Organization (WHO) gasu dinlan khaiye.

Karaiga paliugu study hai chamai maraamimai khangkhat tai maksai aniunik (small droplets expelled from the nose and mouth) khugasu khat-khat khuga len wangmibo ngouye tiudi haisi ronna makjiu atai masiubo maksai aniu thikboga kadi(ground) nkum-wang tang mak jiu tingkai gasu tad mibo gasu di charaapot hai lenbodi ngou ye.

Clinical Infectious Diseases journal, 239 scientists 32 countries arong lubo ariak danai Monday nai published thiumibo ga row khaibo kumsai. Coronavirus maraami mai niu masiupadbo ataipok maksai aniudui hai kadiga nkaikiu tang makbo ngoumakbo tingkaiga su pak mariu mibo (floating virus particles) hai maraamakbo mainiu asiusibo (breathing) tingga wibo taipok maksai niudui amiakniu ngou makbo tingkai gasu tadkinbo hai siwang jiu maraa lubuiye. Haisi WHO tu update katumjiu kadipiri mai sichiara kamkhai miloh jiu chemist Jose Jimenez kubopiu niu University of Colorado ga paper signed kambo ting dinpad mine.

Haijeng mana charong tad mariubo wangga khat-khat khuga wang mana makbo hai pawan machang kamra ye. Delosai wibo ngoumakbo ataipok maksai anuidi tasibo, makhiubo, npoubo tinggasu, chalui thiubo wan, makia mara bo wan padbo ataipok hai 1-2 meters gasu kadi nkhai wang mine tiudi kasiambo, masinbibo taipok hai tingkai saisui pakmibo haigasu lensuiye.

You may also like...